وقت کا پہیہ ۔ ۔ ۔ ۔

سلام اور دعائیں

پَل پَل پَل ۔ وقت کا پہیہ چلے جا رہا ہے، کیونکہ آنے والا پل جانے والا ہے۔ اِنہی آتے جاتے پلوں میں زندگی بتا دی۔ ۔ ۔ 

صدر ’عجُوب‘کو دیکھا

یحیئ خان کو بھگتا

بھٹوکو زندہ رکھا

ضیا الحق کی ’مردم شناسی‘ کو جیا

بے نظیر، نواز شریف کے ادوار ’دورے‘۔

مشرف کے اطوار ’طورے‘۔

آمریت کو ہضم کیا اور جمہوریت کا گھوٹا پیا۔

لیکن سب مایہ ہے ۔ ۔ ۔ ترقئِ معکوس قوم کے لیئے، اوجِ ثریا حکمرانوں کے لیئے۔

عجیب رویئے پروان چڑھے، نہ شرم نہ حیا۔ سُنیا سی تک لیا "او  اک جمیا ای، تینوں کی اے یار چھانویں بہسن"۔

آو رل مل کے دعا کریئے "اگے اللہ کریم بھلی کرے، بے ایماناں تے غداراں نوں رسوا گلی گلی کرے"، آن آلے وی ہون گے آدم دی اولاد ای پر کم انساناں آلے کرن دی توفیق ہونیں۔

کچھ شعر نظر آے بھلے لگے:۔

نگارِ معیشت لہو رو رہی ہے

تصور کی عظمت لہو رو رہی ہے

شگوفوں کی عزت پہ چھاپے پڑے ہیں

چمن کی لطافت لہو رو رہی ہے

پلا ساقیا کوئ جامِ غزالی

بھٹکتی بصیرت لہو رہی ہے

لیکن ناامیدی تو جائز نہیں ہے  اس لئے شاید قوم کی شبھ گھڑی طلوع ہونے کا یہ وقت ہو اور بے انصافی ڈوب جاے ہمیشہ کے لئے۔

کیا وہ ساعت آ پہنچی ہے؟

جب سارے پُل بہہ جاتے ہیں

لنگر ہلتے رہ جاتے ہیں

کوئ چپُو ہاتھ نہیں آتا

کوئ کشتی ساتھ نہیں دیتی

کیا وہ ساعت آ پہنچی ہے؟

AKHTAR N JANJUA

http://anjanjua.blogspot.com/

http://www.facebook.com/akhtar.janjua

https://twitter.com/IbneNawaz