کائنات کے سنورنے کے لئے ‘اقرا’ بہت ضروری ہے۔ 

فاران کی چوٹی پر پہلا یزدانی پیغام  ‘اقرا’ ہی  کی گونج تھی۔ 

جس نے ‘اقرا’ کو وردِ جان اور افعال و احسان میں ڈھال لیا وہ فلاح پا گیا، زمین و زماں اُس کے دست نگر ہو گئے۔ 

اور جس نے ‘اقرا’ کو طاقِ نسیاں پہ رکھ دیا وہ برباد ہوا یہاں بھی اور وہاں بھی۔

کیسے ظالم ہیں یہ  “راندہِ اقرا” کہ نہ ان کی درندگی سے اقرا بچتی ہےاور نہ ہی کائنات۔ 

نہ خوفِ خدا اِن کو دامن گیر ہوتا ہے ، نہ احساسِ گناہ، نہ ادراکِ موت اور نہ صوتِ ضمیر۔ 

ان نہنگوں نے تباہ کر دیا ہے سب اقدار کو ، روند ڈالا ہے ہر معیار کو۔ 

حشر و نشر میں تو ذلتِ دائمی اِن کا مقدر لیکن یہاں مخلوقِ خدا ان  کے شرِ خنزیرانہ سے ذلیل و تباہ حال۔