وقت اپنا سفر جاری رکھتا ہے

کوی بہانہ، کوی بند، کوی افسانہ

اسے روک نہیں سکتا

اس کی روانی کو ٹوک نہیں سکتا۔ 

تغیرات زمانوں  کے

ہتھکنڈے  دیوانوں کے

بگڑے معیار  پیمانوں کے

جور و ستم  بلوانوں  کے

بیتے ہوے لمحوں کو لوٹا نہیں سکتے

ٹوٹے ہوے بھرموں کو جڑوا نہیں سکتے

جو بڑھ گئے آگے انہیں رکوا نہیں سکتے

جو رہ گئے پیچھے انہیں ملوا نہیں سکتے

وقت تاریخ ہے، وقت جزا ہے

وقت پیمانہ ہے، وقت سزا ہے

وقت منصف ہے، انصاف آفاقی ہے

غداروں سے صرفِ نظر لمحاتی ہے

چند ساعتوں کے ٹھاٹھ ہیں

مقدر صدیوں کی رسوای ہے

وقت کا ہاتھ تھامنا ضروری ہے

وقت کی فطرت لاپروای ہے

ہوسِ دنیا میں  پیچھے  جو  رہ  گیا 

رودبارِ  ذلت میں بہہ گیا

کتنے فرعون اس نے غرق کیے

کتنے شداد اس نے حوالہِ برق کیے

آج پھر وقت نے مچان لگای ہے

زیرِ  دنداں  زباں  دبای ہے

نہ جانے کون سرخرو ٹھہرے گا

کس کے مقدر میں ابدی رُسوای ہے؟

Akhtar N Janjua

http://anjanjua.blogspot.com

 وفاداری بشرطِ اُستواری اصلِ ایماں ہے

کے کانوں پرگنتی کے کئی سالوں تک نیند مسلط کردی”۔ 

اور غار کےمنہ پر ایک وفادار کُتا، اگلی  ٹانگیں پھیلاے ہوے چوکیداری پر معمور۔

                                                                         بھوک، پیاس، موسمی تغیرات ، کسی مجبوری، مہجوری کو در خود اعتنا نہ سمجھا - وفا کا پتلا لوہے کی 

دیوار۔ نہ جانے  کب سانسوں کی ڈور کٹ ہو گئی ہو گی۔ تین سو نو برس اللہ نے وہیں محفوظ کیا 

اور قرانِ مجید میں  ذکر کر کے وفا اور نبھا کی اہمیت کو بھی امر کر دیا۔

مجھے ذاتی طور پر “کُتوں” سے کبھی اُنسیت نہیں رہی بلکہ دوری کو ہی محفوظ جانا۔ چند سال پہلے   ایک نرم سا روی کا گولہ گھر میں آ نکلا، میں نے کہا فورا نکالو لیکن بچے اور نواسہ ضد کرنے لگے کہ   رکھنا ہے، مجبوراْ اجازت دے دی۔ بچوں نے ایک اور تاریخی وفادار کُتے کے نام پر اس کا نام   بولٹ رکھ دیا جو کہ اب پیار سے بولٹو ہو گیا ہے۔ انجکشن لگواے اور تربیت کے لیے بھیج دیا۔  واپس آیا تو ایسے ملا سب سے جیسے کوئ سالوں کا “وراگا” ہو۔ کچھ بڑاہوا تو پتہ چلا کہ کُوچی ہے، آواز گونجدار اور دیکھنے میں خونخوار لیکن اصل میں وفا   اور   پیار ہی  پیار۔ فیصلہ ہوا کہ گاوں بھیج دیا جاے، رکھوالی کرے گا۔ گاوں گئے ہوے بھی سال ہو گیاہے لیکن اب بھی  ہم میں سے  کوی گاوں   جاے تو اسکی خوشی دیدنی ہوتی ہے، اچھلتا ہے،  کودتا ہے، لوٹ پوٹ  ہو جاتا ہے، پاوں پر سر   رکھ   کر لیٹ جاتا  ہے ۔ ۔۔۔

یہ صرف وفا، حیا اور نبھا کی کہانی ہے جسے میں بابا بھلے شاہ رح کے ان اشعار پر ختم کرتا ہوں۔ 

خصم اپنے دا  در نہ چھڈدے

بھانویں وجن جُتے، تیتھوں اُتے

بلھے شاہ کوی رخت وہاج لے

نہیں تے بازی لے گئے کُتے، تیتھوں اُتے۔

Akhtar N Janjua

http://anjanjua.blogspot.com