‎سلطانی بھی عیاری ہے، درویشی بھی عیاری

گر دھندا چلانا ہے

تو ڈنڈا ہلانا  ہے

پہلے خوف دلانا ہے

پھر نوٹ دکھانا ہے ۔ ۔ ۔ 

باجے چھماں چھم پائل نگوڑی۔

‎کرامات بکتی ہیں یہاں

‎خرافات بکتی ہیں یہاں

فتووں کی برسات ہے

شرموتات کی بہتات ہے

کہ پگ گھنگھرو باندھ میرا ناچی تھی اور ہم ناجیں بِن گھنگھرو کے

‎جھوٹ ڈنکے کی چوٹ پہ بولنا ہے

‎چوروں کو، عیاروں کو

‎غد اروں کو، ہتھیاروں کو 

‎سونے میں تولنا ہے

ہمیں کیا برا تھا مرنا اگر ایک بار ہوتا

‎ قانون، میری مرضی ہے

‎میرا ایمان، خود غرضی ہے

مانو تو نہارے جاو گے

نہ مانو تو مارے جاو گے

کیونکہ

بُھلے شاہ اساں آپے مرنا ناہیں ۔۔۔

‎ذہنی اور روحانی بیمار 

‎مریضوں کو ’شفا‘ دیتے ہیں

‎قابلِ دوا اور دعا دکان سجا 

‎تعویذ و دعا دیتے ہیں

چوری میرا پیشہ، نماز میرا فرض

‎حرام و حلال کی تمیز دفن ہوئ

‎غریب کی آخرت بے گور و کفن ہوئ

‎’سب کچھ فروشی‘  و ریاکاری ہے

‎زندگی انسانیت پہ بہت بھاری ہے

یہ لوگ بھی کیا لوگ ہیں مر کیوں نہیں جاتے؟

کبھی باپ کبھی بیٹی ہے

بھای ہے  کبھی تو کبھی بیٹا ہے

ملکی وسائل کی نیلامی ہے

جس کا بس چلا اسی نے مال سمیٹا ہے

حرص و ہوس کی منڈی ہے، انمول رتن بک جاتے ہیں

جوان و پیر پیجھے  ہاتھ باندھ کھڑے ہیں

بدی کے دست و بازو، لٹیروں کے حواری ہیں

لبوں پہ ان کے مہر تو قلب ہیں زنگ آلود

پاوں لٹکے ہیں قبر میں،، نہ جانے اگلی کس کی باری ہے

ہوے ہم جو مر کے رُسوا،  ہوے کیوں نہ غرقِ دریا

ابنِ انشا مرحوم نے کہا تھا

شامِ غم کی سحر نہیں ہوتی

یا ہمیں کو خبر نہیں ہوتی

Akhtar N Janjua

http://anjanjua.blogspot.com

 دعاے بہارِ وطن۔ 

یہ بہار کا زمانہ ۔۔۔ 

پھول ہی پھول ۔۔۔ 

سبزہ زار چار سُو ۔۔۔ 

کاش ایسی ہی ابدی بہار، اندیشہِ خزاں سے مبرا مملکتِ خدا داد اور اسکے باسیوں کا مقدر بنے۔ 

آئیں مل کر اللہ کریم سے گڑ گڑا کر ملتجی ہوتے ہیں۔ 

اللہ کریم ہم سب کو اور بالخصوص اکابرینِ و مستفیدانِ پاکستان کواحساسِ زیاں اور مشاہدہِ نہاں کی توفیق بخش کہ بنا سکیں۔

 “نئے، پرانے اور ہمارے” پاکستان کو “ہم سب کا” پاکستان۔ 

ایسا پاکستان ۔۔۔ 

جہاں امر بہار ہو

ایمان و ایقان کی

انصاف و انسانیت کی

امانت و دیانت کی

رواداری و ہمدردی کی

بردباری و صلح جوی کی

امن و آشتی کی

عزت و توقیرِ باہمی کی

ترقی و خوشحالی کی

جہاں غربت و افلاس نہ ہو

کوی بے گھر و بے لباس نہ ہو

شرم وحیا ردا ہوں

فرائض و حقوق ادا ہوں

چادر و چار دیواری کا تحفظ ہو

جہاں پر خلوص  ہر دہن کا ہر لفظ ہو۔

جہاں مساوات ہو 

جہاں مواخات ہو

جہاں ظلم کا نظام نہ ہو

جہاں شخصی و ملی آذادی نیلام نہ ہو

جہاں کوی ذہنی و جسمانی غلام نہ ہو۔ 

آمین بجاہِ رحمت العالمین صلی اللہ علیہ وسلم۔

Akhtar N Janjua

http://anjanjua.blogspot.com

55 PMA LONG  - 16 APRIL 1977

TODAY IS 16TH APRIL ..........  The Day we were fortunate to join a Great Entity and an Exclusive Fraternity ... 46 long years but memories as fresh as the dew dipped morning Rose. What a Day AlhamdoLilah becoming what we Dared to be. Daring to Stand Firm and Delve into:-

Honour and Dignity

Patriotism and Sacrifice

Brotherhood and Love 

Brothers most of us are inching towards 70th milestone of our blessed lives … (Those who have migrated to the Immortal World .. May they be Blessed there) … But … We are still not done; so we have to keep Daring Ourselves to:-

When a New Day begins, Dare to Smile Gratefully.

When there is Darkness, Dare to be the First to Shine a Light.

When there is Injustice, Dare to be the First to Condemn it.

When something Seems Difficult, Dare to Do it Anyway.

When the Life Seems to Beat us Down, Dare to Fight Back.

When there Seems to be no Hope, Dare to Find Some.

WHEN WE ARE FEELING TIRED, DARE TO KEEP GOING.

When Times are Tough, Dare to be Tougher.

When Love Hurts us, Dare to Love Again.

When others are Hurting, Dare to Help Them Heal.

When Another is Lost, dare to help Find the Way.

WHEN A FRIEND FALLS, DARE TO BE THE FIRST TO EXTEND A HAND.

When we Cross Paths, Dare to Make each other Smile.

When we Feel Great, Dare to Help Someone Else Feel Great too.

When Pakistan Calls - WE STEP UP AND BE COUNTED. 

When the Sun finally sets on us; we must feel - WE DID OUR BEST. .... THUS

DARE TO BE THE BEST WE CAN - AT ALL TIMES.

Happy Anniversary 

Allah Karim Bless us All. 

Dheron Duaien for Family, Friends, The Great Entity (Pak Army) and our Beloved Pakistan. 

سدا سلامت پاکستان ۔ تا قیامت پاکستان

Akhtar N Janjua

http://anjanjua.blogspot.com

 جُز اور کُل

جسم کل ہے اور مختلف اعضا (اعضاءِ اشرافیہ {رئیسہ}، کاوشیہ، حرکیہ اور افزائشیہ) اس کے جز ہیں

وہ عضو یا اعضا جو فاسد ہو جائیں، فاسق ہو جائیں یا نازک ہو جائیں ان کا علاج (بالغذا، بالنشتر، بالآری) لازم،ورنہ کُل کی موت۔ بالخصوص اعضاءِ شاہی (دماغ و دل) کا اگر بگاڑ ہو جاے تو معذوری و مہجوری یقینی۔ 

ملک معاشرتی ضرورت، عوام اُس کا “کُل” اور اُسی کل میں سے ایک “جُز” (جماعت - جو آج کل اپنے آپ کو اشرافیہ کہلانے میں فخر محسوس کرتی ہے) نکالی جاتی ہے، مخصوص سانچوں میں ڈھالی جاتی ہے تاکہ ریاست کا نظام ایسا بنے اورچلے کہ ملک دائم قائم رہے، پھلے پھولے  اور “کُل” شاد کام و خوش حال ہو، “ُجز” کو اطمینان ہو کہ اس نے وہ کام کامیابی سے کیا جس کے اسے چنا گیا تھا۔ 

اس خاص جماعت کی خصوصیات  :-

صداقت و وفا و دیانت و امانتِ بو بکر

بے لوثی، شفافیت، عدل و انتظامِ فاروقی

سخاوت و بردباری و شرم و حیا۶ِِ عثمانی

علم و حلم و نجابت و شجاعتِ حیدری

عوام میں سے کسی ایک کی آواز آے تو جس کا نام سُن کر قیصر و قصری تھرا اُٹھیں وہ حکمران منبر سے نیچے اُتر آےاور اپنے آپ کو احتساب کے لیے پیش کر دے۔ 

معذرت ۔۔۔ چند سالہ (صرف) تاریخ کے سنہری پنوں میں گھس کر کھو جانے کی عادت ہو گئی ہے حالانکہ خوب جانتاہوں کہ ؛-

تجھے آبا سے اپنے کوی نسبت ہو نہیں سکتی

کہ تُو گفتار وہ کردار، تُو ثابت وہ سیارا

گنوا دی ہم نے جو اسلاف سے میراث پای تھی

ثریا سے زمیں پر آسماں نے ہم کو دے مارا

اور اپنے یہاں -

‎عوام کی آواز؟

‎کون عوام؟

‎کسے پرواہ ہے؟

عوام لیکن ضروری ہیں

نعرے لگانے کے لیے، جانیں گنوانے کے لیے، عزتِ نفس و عصمت لٹانے کے لیے۔ 

پسینہ عوام کا، نگینہ اشرافیہ (لکڑ ہضم پتھر ہضم) کا۔ 

ٹیکس عوام کا، سارا مال مالکانِ حرام کا

عقوبتیں عوام کی، جرائمِ ہمہ جہتی اشرافیہ کے

عوام دس کلو آٹے کے لیے مریں، صاحبان اربوں خزانے سے لے کر پھیروں پر خرچ کریں

جس کا جی چاہے لاٹھی لے کر آئین کی دھلای و پنجای کرے اور طرفہ تماشہ یہ کہ چوپٹ نگری میں اسی مجروح ومجہول آئین کی گولڈن جوبلی منای جاے وہ بھی بذریعہ دشنام و جوتم پیزار۔ 

الامان و الحفیظ

انا للہ و انا ۔۔۔

حرف آخر ۔۔

خبردار!  … ہم ایک بہت بڑے آتشیں طوفان کی طرف بڑھ رہے ہیں … احساس ہونا چاہیے … “اگر آپ “پورے” کی  پروا اب بھی نہیں کریں گے تو “پورا” ایک دن آپ پر ٹوٹ پڑنے والا ہے (زیادہ دور نہیں) اور پھر  آپ کو رضا شاہ پہلوی بنناپڑے گا اگر بھاگنے میں کامیاب ہو گئے تو۔ 

ہمیں ہے حکمِ آذاں ۔۔۔

Akhtar N Janjua

http://anjanjua.blogspot.com