چل دیئے سوے حرم کوے بتاں سے مومن

جب دیا رنج بتوں نے تو خدا یاد آیا 

 تجھے نجات نہیں لیکن تیرے مردود بدن کو عبرت  ضرور بناوں گا

میں غنی ہوں تم فقیر ہو، میں جب چاہوں تمھیں نیست و نابود کر دوں، بدل دوں ایسے لوگوں  سے جو تم سے بہتر ہوں

ہو سکتا ہے پھر ہو سکتا ہے، کبھی بھی، کہیں بھی ۔ ۔ ۔ ایک کُن سے ؛ ایک نہ نظر آنے والی مخلوق کے گن سے

کرونا ووہان میں شروع ہوا تو کسی نے اسے چینی بیماری کہا، کسی نے ہانکی، "ہم چین نہیں ہیں"، اور کسی نے کہا،"ہاتھوں میں ہاتھ دو ۔ انجواے" ۔ ۔ ۔چین لڑتا رہا،لوگ مرتے رہے اور دنیا بھر کے نیرُو بانسریاں بجاتے رہے۔ چین اپنے اقدامات کی حد تک تو سرخرو ہوا، لیکن جنگ ابھی جاری ہے ۔۔ رہے 
باقی تو معلق ہیں کہ ’ہُن کی کرئیے‘?۔

اور ہم نے جو رسول بھی بھیجا تو اسی لئے بھیجا کہ اللہ کریم کے حکم سے اس کی اطاعت کی جاے اور اگر وہ جبکہ انھوں نے اپنی جانوں پر ظلم ڈھایا، تو رسول کی خدمت میں حاضر ہوتے اور خدا سے معافی مانگتے اور رسول بھی اُن کے لئے معافی مانگتے تو وہ اللہ کریم کو بڑا توبہ قبول کرنے والا اور مہربان پاتے۔ النسا۔64

کہ ’جاننے‘ کے لئے ’ کاوش‘  نہایت ضروری ہے۔

اور یہ کہ ’جاننا‘ کسی ’جاننے‘ والے سے ہی ممکن ہے۔

اور جاننے کے لئے ’صبر اور شرائط و ضوابط کی پابندی لازم‘ ورنہ سارا سلسلہ رک سکتا ہے۔ 

آمین بجاہِ خاتم النبیین، رحمتہ العالمین ﷺ

لوگوں سے خیانت سے اپنا دامن پاک رکھو کیونکہ لوگوں سے خیانت اللہ اور رسول سے خیانت ہے۔

سب کا بھلا، سب کی خیر، اپنوں کی، پرایوں کی،  دوستوں کی دشمنوں کی ۔ 

پروردگار سب لشکر تیرے، سب مخلوق تیری، تیری ہر تخلیق میں کروڑوں حکمتیں، کرم بھی، بھرم بھی، وفا بھی، حیا بھی، بلا بھی، ابتلا بھی، وبا بھی،  اور دوا بھی سب تیرے۔ 

ہم بتقضائے بشریت اور نفسانی کمزوریوں سے بھٹک جاتے ہیں، آلودگی ہمیں آ لیتی ہے، غنودگی دبوچ لیتی ہے، آج کے شغل کل بھلاے رکھتے ہیں۔ 

پھر تیرے حکم پر تیرا کوی لشکر ہمیں جگانے آتا ہے ہمیں اپنی اوقات یاد دلاتا ہے۔ 

آج پھر ایک  "کرونا" کہہ رہا ہے ہمیں کہ ’اب کرو نا‘۔ 

اور مولا کریم تیرے سوا  نہ کوی  مدد کرنے والا ہے اور نہ کوی توبہ قبول کرنے والا۔ آج کی رات خصوصی رحمتوں والی رات ہے، اس لئے اسی رات کے صدقے  ہم تیرے کرم و شفا کے لئے دست بدعا ہیں ، مولا کریم اپنے کریم صاحبِ معراج نبی ﷺ کے طفیل ہمیں  اپنی طرف رجوع  اور اپنے کریم نبی ﷺ کی اطاعتِ صحیحہ کی توفیق دے۔

اس وبا کے خلاف معلوم احتیاطی تدابیر اختیار کرنے کی ہمت دے 

دوا بھی عطا کر

شفا بھی عطا کر اور ۔ ۔ ۔

معاف فرما اوراپنے سے حیا بھی عطا کر۔