55 PMA LONG  - 16 APRIL 1977

TODAY IS 16TH APRIL ..........  The Day we were fortunate to join a Great Entity and an Exclusive Fraternity ... 46 long years but memories as fresh as the dew dipped morning Rose. What a Day AlhamdoLilah becoming what we Dared to be. Daring to Stand Firm and Delve into:-

Honour and Dignity

Patriotism and Sacrifice

Brotherhood and Love 

Brothers most of us are inching towards 70th milestone of our blessed lives … (Those who have migrated to the Immortal World .. May they be Blessed there) … But … We are still not done; so we have to keep Daring Ourselves to:-

When a New Day begins, Dare to Smile Gratefully.

When there is Darkness, Dare to be the First to Shine a Light.

When there is Injustice, Dare to be the First to Condemn it.

When something Seems Difficult, Dare to Do it Anyway.

When the Life Seems to Beat us Down, Dare to Fight Back.

When there Seems to be no Hope, Dare to Find Some.

WHEN WE ARE FEELING TIRED, DARE TO KEEP GOING.

When Times are Tough, Dare to be Tougher.

When Love Hurts us, Dare to Love Again.

When others are Hurting, Dare to Help Them Heal.

When Another is Lost, dare to help Find the Way.

WHEN A FRIEND FALLS, DARE TO BE THE FIRST TO EXTEND A HAND.

When we Cross Paths, Dare to Make each other Smile.

When we Feel Great, Dare to Help Someone Else Feel Great too.

When Pakistan Calls - WE STEP UP AND BE COUNTED. 

When the Sun finally sets on us; we must feel - WE DID OUR BEST. .... THUS

DARE TO BE THE BEST WE CAN - AT ALL TIMES.

Happy Anniversary 

Allah Karim Bless us All. 

Dheron Duaien for Family, Friends, The Great Entity (Pak Army) and our Beloved Pakistan. 

سدا سلامت پاکستان ۔ تا قیامت پاکستان

Akhtar N Janjua

http://anjanjua.blogspot.com

 جُز اور کُل

جسم کل ہے اور مختلف اعضا (اعضاءِ اشرافیہ {رئیسہ}، کاوشیہ، حرکیہ اور افزائشیہ) اس کے جز ہیں

وہ عضو یا اعضا جو فاسد ہو جائیں، فاسق ہو جائیں یا نازک ہو جائیں ان کا علاج (بالغذا، بالنشتر، بالآری) لازم،ورنہ کُل کی موت۔ بالخصوص اعضاءِ شاہی (دماغ و دل) کا اگر بگاڑ ہو جاے تو معذوری و مہجوری یقینی۔ 

ملک معاشرتی ضرورت، عوام اُس کا “کُل” اور اُسی کل میں سے ایک “جُز” (جماعت - جو آج کل اپنے آپ کو اشرافیہ کہلانے میں فخر محسوس کرتی ہے) نکالی جاتی ہے، مخصوص سانچوں میں ڈھالی جاتی ہے تاکہ ریاست کا نظام ایسا بنے اورچلے کہ ملک دائم قائم رہے، پھلے پھولے  اور “کُل” شاد کام و خوش حال ہو، “ُجز” کو اطمینان ہو کہ اس نے وہ کام کامیابی سے کیا جس کے اسے چنا گیا تھا۔ 

اس خاص جماعت کی خصوصیات  :-

صداقت و وفا و دیانت و امانتِ بو بکر

بے لوثی، شفافیت، عدل و انتظامِ فاروقی

سخاوت و بردباری و شرم و حیا۶ِِ عثمانی

علم و حلم و نجابت و شجاعتِ حیدری

عوام میں سے کسی ایک کی آواز آے تو جس کا نام سُن کر قیصر و قصری تھرا اُٹھیں وہ حکمران منبر سے نیچے اُتر آےاور اپنے آپ کو احتساب کے لیے پیش کر دے۔ 

معذرت ۔۔۔ چند سالہ (صرف) تاریخ کے سنہری پنوں میں گھس کر کھو جانے کی عادت ہو گئی ہے حالانکہ خوب جانتاہوں کہ ؛-

تجھے آبا سے اپنے کوی نسبت ہو نہیں سکتی

کہ تُو گفتار وہ کردار، تُو ثابت وہ سیارا

گنوا دی ہم نے جو اسلاف سے میراث پای تھی

ثریا سے زمیں پر آسماں نے ہم کو دے مارا

اور اپنے یہاں -

‎عوام کی آواز؟

‎کون عوام؟

‎کسے پرواہ ہے؟

عوام لیکن ضروری ہیں

نعرے لگانے کے لیے، جانیں گنوانے کے لیے، عزتِ نفس و عصمت لٹانے کے لیے۔ 

پسینہ عوام کا، نگینہ اشرافیہ (لکڑ ہضم پتھر ہضم) کا۔ 

ٹیکس عوام کا، سارا مال مالکانِ حرام کا

عقوبتیں عوام کی، جرائمِ ہمہ جہتی اشرافیہ کے

عوام دس کلو آٹے کے لیے مریں، صاحبان اربوں خزانے سے لے کر پھیروں پر خرچ کریں

جس کا جی چاہے لاٹھی لے کر آئین کی دھلای و پنجای کرے اور طرفہ تماشہ یہ کہ چوپٹ نگری میں اسی مجروح ومجہول آئین کی گولڈن جوبلی منای جاے وہ بھی بذریعہ دشنام و جوتم پیزار۔ 

الامان و الحفیظ

انا للہ و انا ۔۔۔

حرف آخر ۔۔

خبردار!  … ہم ایک بہت بڑے آتشیں طوفان کی طرف بڑھ رہے ہیں … احساس ہونا چاہیے … “اگر آپ “پورے” کی  پروا اب بھی نہیں کریں گے تو “پورا” ایک دن آپ پر ٹوٹ پڑنے والا ہے (زیادہ دور نہیں) اور پھر  آپ کو رضا شاہ پہلوی بنناپڑے گا اگر بھاگنے میں کامیاب ہو گئے تو۔ 

ہمیں ہے حکمِ آذاں ۔۔۔

Akhtar N Janjua

http://anjanjua.blogspot.com

یہ جو سال گذرا ہے

کس حال گذرا ہے

تجزیہ تو ہونا چاہیے

کتنا اُبھرے، کتنا اجڑے

کتنا بکھرے، کتنا اکھڑے

تجزیہ تو ہونا چاہیے

کیسے کرم پُھوٹے

کیسے بھرم ٹوٹے

تجزیہ تو ہونا چاہیے

کون بکا، کون جھکا

ملک بسا، یا بے تحاشا لُٹا

تجزیہ تو ہونا چاہیے

جھوٹی انا کا کیا ہوا

فانی بقا کا کیا ہوا

تجزیہ تو ہونا چاہیے

کیا قتل ضروری ہیں؟

کیوں “قاتل” مجبوری ہیں؟

تجزیہ تو ہونا چاہیے

ہراسانی کے لیے فحاشی ضروری ہے؟

خوف کے لیے بدمعاشی ضروری ہے؟

تجزیہ تو ہونا چاہیے

سیاست نے سیاست کو داغدار کیا

انصاف نے انصاف کو خوار کیا

تجزیہ تو ہونا چاہیے

کیسے چور، کیسے سادھ

بےسدھ محفل، الٹے ساز

تجزیہ تو ہونا چاہیے

ذات مقدم،سیاست ڈوبی 

آئین پامال، ریاست ڈوبی

تجزیہ تو ہونا چاہیے

چوراں دے کپڑے

ڈانگاں دے گز

اس کے لیے کسی تجزیے کی ضرورت نہیں

یاد کرنے اور رکھنے کی بات

“پاکستان ہے تو ہم ہیں”

سدا سلامت پاکستان ۔ تا قیامت پاکستان

جیے وطن ۔ مٹیں دشمن

Akhtar N Janjua

http://anjanjua.blogspot.com

 سلام اور دعائیں ۔ اللہ کریم رمضان المبارک کی عبادات و ریاضتیں قبول فرماے۔

 رمضان المبارک دو ہجری میں حق و باطل میں ایک عظیم معرکہ بپا ہوا تھا جسے غزوہِ بدر سے یاد کیا جاتا ہے۔ ایک طرف نفرت، بد مست طاقت، غرور، عددی برتری اور زعمِ کامرانی اور دوسری طرف کسمپرسی، بے سرو سامانی لیکن یقین کی فراوانی، خوشنودیِ خدا اور رضامصطفے ﷺ پر خواہشِ قربانی۔ یقین جیتا اور غرور ہارا، حق سرخرو، باطل سر نگوں ہوا ۔ 

سبق ۔

فضاے بدر  پیدا کر فرشتے  تیری نصرت کو 

 اتر سکتے ہیں گردوں سے قطار اندر قطار اب بھی 

موسم بدلا رُت گدرای ۔

پیارے پاکستان کے میدانوں، ریگستانوں، کوہساروں اور مر غزاروں پر بہار آی ہے۔

پھولوں اور پھلوں سے لدے شجر

 چار سُو سبزے کے درمیان دمکتے حجر

اے خاصہِ خاصانِ رسُل وقت دعا ہے ۔ اُمت پہ تیری آ کے عجب وقت پڑا ہے۔

اسباقِ غیر متعلقہِ بلاگ

صدیوں پہلے فرعون مر گیا، فرعونیت لیکن زندہ ۔ فرعونیت کے عاملوں کا حشر فرعون جیسا اور اسی کے ساتھ، کسی کو شک نہیں ہونا چاہیئے۔

تزکیہ و تطہیر نہیں تو روحانی بہار و بقا قصہِ پارینہ۔

سیاست کو ہمیشہ سیاست نے ہی مجروح و مقتول کیا، کسی بھی اور پر الزام صرف بہانہ۔

انصاف کو ہمیشہ "انصاف" نے ہی بدنام، ناکام و ہلاک کیا، وقتی فائدہ و موقع پرستی ۔ ابدی رسوای و تاریخی جگ ہنسای۔

ہتھاں نال پایاں ہویاں گنڈھاں، (خونِ ناحق گرنے کا سبب) ۔  دنداں نال کھولیاں پیندیاں نیں۔

اللہ کریم سوچن، سمجھن، عمل، رجوع و توبہ دی توفیق عطا فرماے

آمین بجاہِ طحی و یسین ﷺ

Akhtar N Janjua

http://anjanjua.blogspot.com

 میں پاکستان ہوں ۔

میں عطیہِ خداوندی ہوں ۔

میں مظہر ہوں شفقتِ رسول صلی اللہ علیہ وسلم کا اور نکہبان ہوں اُن کی حرمت کا۔ 

پھولوں اور بہاروں کے نقیب میرے موسم اور 

کوہساروں، مرغزاروں، میدانوں، ریگستانوں کی امین 

قدرتی عطیات سے مالا مال میری سر زمین ۔ 

ثقافتی و تہذیبی تنوع میرا اافتخار . 

قوموں کی مالا میں ہونی چاہییے میری جگہ باوقار ۔۔۔ لیکن 

میں ہوں حیران و پریشان و لاچار  ۔ ۔ ۔

کیونکہ میرا المیہ یہ ہے کہ جنہیں  میں نے شناخت دی 

جو میری شاخوں پہ پھلے پھولے 

جنہیں میں نے ترقی کا جُھولا جھلایا

 جنہیں میری وجہ سے پَر لگے اُن میں سے اکژیت نے میرے ہی  پَر کاٹے۔ 

مجھے اپنے سے کم تر سمجھا ۔۔۔

نظریہ ضرورت کو ہتھیار بنا کر 

کبھی طالع آزماوں نے 

کبھی نااہل ناخداوں نے 

کبھی  پُر اسرار آقاوں نے

مجھےلُوٹا، مجھے روندا

دستور و قوانین کو گھر کی لونڈی سمجھا، جب جی چاہا پامال کیا

مجھے اور میرے غریب و سفید پوش بچوں کو یرغمال بنایا، بد حال کیا۔

میری وجہ سے جن کو نام ملا، کام ملا، زندگی کی ہر آسائش و سہولت مفت میرے نام پہ جنہیں نصیب ہوی انہوں نے ہی مجھے لُوٹا اور بدنام  کیا۔

جس کے سر پہ مجھے بنانے کا سہرا بندھا اس کے ہر اصول و شعائر و ہدایت

 کو ناکام کیا۔

میں دین کے نام پہ بنا

 اور دین کو ہی گروہی و فروعی اختلافات کی نظر کر کے مجھے اپنوں کی کٹی ہوی گردنیں پیش کی گئیں۔ 

کہاں تک سنو گے کہاں تک سناوں ۔ ۔ ۔ 

 ایک بات لیکن لکھ لو اگر مجھے کچھ ہوا 

تو زمین تم پر تنگ ہو جاے گی 

ذہنی غلام تو پہلے ہی ہو صدیوں کی اذیت ناک کریہہ غلامی تمھارا مقدر ہو گی 

 تاریخ تمھیں مطعون ٹھہراے گی

آنے والی نسلیں تمھارا  نام لے کر پھٹکار کریں گی 

ذلت یہاں اور حطمہ وہآں مقدر ہوگی۔

اب بھی وقت ہےسنبھل جاو

رکو، سوچو، میری خاطر میرے نام پہ اللہ کریم نے تمھیں کیا بنایا اور تم  نے کیسے مجھے ہی برباد کیا

 اور مٹایا ۔۔۔

ذات مقدم نہیں فرائض مقدم جانو ۔۔۔

طاقت و سیادت و سیاستِ غلیظہ نہیں ریاست مقدم مانو ۔۔۔

اللہ کا کرم تو ہمہ گیر و ہمہ وقت ہے

 صرف غور و فکر اور عمل کی ضرورت ہے۔

کاش ۔۔۔

۔(وقت ہے کہ تمام ریٹائرڈ سینیر لوگ، عدلیہ، سول و ملٹری بیوروکریسی، سول سوسائٹی، صنعت کار، سرمایہ دار ۔۔۔ جس جس پر پاکستان کے ساتھ جُڑنے پر ہن برسا ۔۔۔  اکٹھے ہوں، ایک کنونشن بلائیں، تجاویز مرتب کریں اور مقتدرہ کو بھجوائیں تاکہ اس ابابیلِ ابراہیمی کی طرح کہہ سکیں) ۔۔۔

WE STEPPED UP AND DID OUR THING

اللہ کریم غور و فکر اور عمل کی توفیق دے 

آمین بجاہِ رحمت العالمیں صلی اللہ علیہ وسلم۔

Akhtar N Janjua

http://anjanjua.blogspot.com