سلام اور دعائیں ۔ ۔ ۔

مملکتِ خداداد، آکاس بیل  ۔ سبز باغ ۔  چمگادڑیں ،سوانگ اور امتحانِِ مسلسل۔

عقل کہتی ہے دوباره أزمانا جہل ہے

دل یہ کہتا ہے فریبِ دوست کھاتے جایئے

کچھ نہ سمجھے خدا کرےکوی، نعرے، وعدے، قسمیں اور کذب بیانیاں، "تب سے اب" ۔

پچاس کی دہای ۔۔ سازشیوں کی پذیرای ۔۔جوڑ توڑ اور رسوای ۔۔تعصب، نفرت، دھونس دھاندلی کے نظریہ ضرورتکی آتش سلگای۔ آنے والے  طالع آزماوں کے لیے بساطِ شطرنج بچھای۔۔ملک توڑنے کی پہلی اینٹ لگای۔ 

شازشوں اور ایکسٹینشنوں کے گھوڑے پر سوار پہلا طالع آزما آیا اور نعرہ لگایا۔۔سارے سیاستدان ایبڈو، قوم کی قسمت بنیادی جمہوریت  میں مضمر۔ مٹھائیاں، چاپلوسی اور موقع پرستوں کی چاندی۔اور پھر۔۔

غالب نے فرمایا تھا کہ۔۔"تجھے ولی سمجھتے جو  نہ بادہ خوار ہوتا"۔  بادہ خواروں کا دور  آیا، رانیاں سر چڑھیںاورہرطرف صدائیں گونجیں، “تو نے او رنگیلے کیسا جادو کیا”۔ ون یونٹ بنا اور ملک دو یونٹ ہو گیا۔   

تاشقند معاہدہ ایک راز، روٹی کپڑا اور مکان  اس کو جاننے کی کنجی،"بے نظیر" ریاست ہم بنائیں گے۔ پھر مطلق العنانی۔۔خوشامدیوں کا گھیرا اور ملک اوراپناغرق بیڑا۔

اور پھر پکڑنا تو دور ڈان کو سمجھنا ہی ناممکن۔۔مسکراہٹ، سرمہ، مذہب کی ردا اور کوڑوں کا تڑکہ۔۔اگر ملک میںاسلامی نظام چاہتے ہو تو میں صدر اور اگر نہیں چاہتے تو اسلامی ملک میں “تمھارا کیا کام  

ہے”؟ خون آشامچمگادڑوں کا داخلہ اور ایسا تسلط کہ ’بات بناے نہ بنے‘۔

 پاکستانی روایتی طور پر "مظلوم (صحیح یا بناوٹی)" کے ساتھ  کھڑے ہونے والے لوگ ہیں۔بدقسمت کریش کے بعد لوگوں نے ستتر والی پارٹی کو پارٹی کے لئے بلا لیا لیکن پارٹی جلد ہی اختتام پذیر ہو گئی۔

مشن پورا کرنے کے لئے روحانی اولادِ مردِ مومن کو آی جے آی کی گاڑی پر سوار کیا گیا۔ روحانی مشن کا تو پتہ نہیں لیکن  اثاثے لاکھ گُنا، پانامے، پاجامے، اقامے اور پھر مجھے کیوں نکالا سے ہوتا ہوا ووٹ کو عزت دیتے ہوا مشن بدیس جا بسا۔ 

جس کو بڑے سیانے نےسمجھا تھاکہ ’نہ کوی آگے نہ پیچھے‘ اُس نے سات انقلابی نکات سے سفر شروع کر کے چاچا وردی لاندھا کیوں نہیں تک کا انقلابِ رنگین مزاج، سُر سنگیت کے ساتھ ختم کیا۔  

این آر او ون۔۔وصیت کا چمتکار۔۔اور پھر دھن دھنا دھن۔ 

خادموں کا دورِ نو،لٹ گیا بچا تھا جو۔۔ماڈل ٹاون، ڈان لیکس، پانامہ سویپس، میڈیای ڈان کیوٹے اور لانچ آف خالوی ڈاکٹر ڈائن طرہِِ امتیاز۔

دودھ کی نہریں بہنے سے لے کر “اللہ واسطے لوٹی ہوی آدھی رقم ہی واپس کر دو تاکہ مہنگای ختم ہو نہیں تو قوم  ہور چُوپتی رہے گی”،  تک کا سنہری خوابِ خراب اور سَراب۔۔مُک گیا تھا سب کچھ، لیکن سائفر آگیا اور کایا پلٹگئی۔بھلا ہوتعلیم اور سوشل میڈیا کا کہ نوجوان نسل نے انگڑای لی۔ اب  بھیسمجھ آگئی توٹھیک ورنہ مٹے نامیوں کےنشاں کیسے کیسے۔ 

ڈاکٹر ڈائن نے نیا سنٹر آف آرک ریکارڈ کیا، نئی ڈیفلیکشن اور ایلیویش لگای، آزمای ہوی میچ فکس کرنے والی ٹیم لگای۔۔کی بربادی اور پای جگ ہنسای۔ 

 کوشش اب بھی یہی کی جا رہی ہے کہ انگڑای لیتی ہوی قوم کو پھر سے سلایا جاے اس لیے منشا ہے کہ دھیرے دھیرے چلا  جاے شاید بھڑکنے والی شمعیں بجھ جائیں تاکہ گلیاں ہو جاون سنجیاں وچ "مرزا" یار پھرے۔

نہ جانے شاعر نے کیوں اور کس کے لیے کہا تھا۔۔

رنگ محفل چاہتا ہے اک مکمل انقلاب 

چند شمعوں کے بھڑکنے سے سحر ہوتی نہیں 

Akhtar N Janjua

http://anjanjua.blogspot.com

سلام اور دعائیں

ایک اور سولہ دسمبر۔ سرمگیں صبح، سلگتی یادیں، امڈتے جذبات، نم آنکھیں اور ماتھے سے نکلتی ہوئیں درد کی لہریں۔

 یہ دن  ہماری تاریخ کی  سیاہ  ترین یادوں کا امین۔ ۔ ۔

کہ کیسے اپنوں کی کوتاہ اندیشیوں، بھایئوں کی کج فہمیوں اور دشمنوں کی کارستانیوں نے

ہمیں لہو لہان کیا

ذلت سے ہمکنار کیا

ہماری اخوت و حمیت کو تار تار کیا۔

پانچ عشرے گذر گذر گئے، اطوار وہی، کردار وہی،افکار  وہی ۔

 کہتے ہیں شکست عارضی ہوتی ہے لیکن ہار کے بیٹھ جانا ذلتِ ابدی  ۔ ۔ 

   بلوانوں، رہزنوں، لٹیروں، کاہلوں، جاہلوں ، پنچوں اور حمقا کے جھمگٹے نے ایسا ظلم کیا کہ نہ قوم بنی، نہ بنانے کی کاوش ہوی، نہ پیش بینی نہ کوی اُمید ۔۔ امین کھرب پتی ہو گئے، پاکستان اور پاکستانی لٹ گئے اور رُل گئے۔

متاعِ کارواں تو خیر لٹا ہی لیکن کارواں کے دل سے احساسِ زیاں بھی جاتا رہا۔

 اس دورانکتنی قیامتیں ٹوٹیں ۔ کتنے بدن چھلنی ہوے، کتنے گھر ویران ہوے، کتنی گودیں اجڑ یں ، کتنے معصوم درندگی کی نظر ہو گئے۔ 

کدورتیں، تفرقہ، ضرورتیں،  غیروں کی غلامی ، اور نفرتِ باہمی آج طرہِ امتیاز ہے۔ مواخات، اخلاق اور صلہِ رحمی عنقا، سرِ بازار پگڑیاں اچھلتی ہیں  ۔۔ سکول میں زیر تعلیم مستقبل کو درندگی کچلتی ہے تو عبادت گاہوںمیں عبادت گزاروں کو مسلتی ہے ، حکمران لُوٹتے ہیں، بھاگتے ہیں، لَوٹتے ہیں پھر لُوٹتے ہیں ، یہی ان کا لہو گرمرکھنے کا انداز ہے، قاضی اشاروں کے منتظر اور کوتوال جب جی چاہا ’ڈیفلیکشن اور ایلیویشن‘ تبدیل کر لی، قوم مسیحاوں 

کی منتظر، غربت اور ذہنی پسماندگی کا شکار ۔ بار بار لٹنے پر تیار۔

مملکتِ خداداد ۔۔ بالکل صحیح ۔۔۔ خدا وندِ قدوس کے کرمِ خصوصی کے بِنا ناممکن لیکن اُس کریم نے ملک عطا کیا تو چاہا جیسے بنی اسرایئل سے چاہا تھا کہ اب چلاو اسے ایسے جیسے میں چاہتا ہوں۔

کیا خوب چلایا؟

جسے موقع ملا اس نے ہی نوچ نوچ کے کھایا

سب سورت عادیات کی آیت کی تفسیر-یقینا انسان اپنے رب کا ناشکرا ھے ۔ اس پر خود گواہ ہو گا اور اسے مال و دولت کی بہت چاہ ہے۔

مولا نےتو ہر اس کو بے تحاشا نوازا جو پاکستان سے جڑا

خواہ وہ سیاسی لیڈر بنا

فوج میں گیا یا کھیل کےمیدان میں کودا

میڈیا میں آیا یا تعلیمی ادارہ بنایا

بزنس کیا یا ہل چلایا

- سب پر ہُن برسا

لیکن دکھانے کے لئے کسی کے پاس کچھ بھی نہیں سواے ندامت کے۔

بنی اسرائیل جاگ اٹھی ۔۔۔۔ کیا اس کا وقت ابھی بھی یہاںنہیں آیا کہ رجوع الیاللہ کر لیا جاے؟ 

آیئے اقرار کرتے ہوے اپنی کوہتایئوں کا پھر رواں ہوتے ہیں سوئے منزل - 

طالب ہوتے ہوے رب کی رحمتوں کے چلاتےہیں اپنا کارواں - 

مدد مانگتے ہوے اللہ سے مقامِ بدر پیدا کرتے ہیں -

نصرتِ خداوندی بھی انشا اللہ  آے گی اور فرشتے بھی اُتر سکتے ہیں قطار اندر قطار- لیکن ندامت، اور عمل ضروری۔

مولا عمل کی توفیق عطا فرما۔

آمين۔

Akhtar N Janjua

http://anjanjua.blogspot.com

سلام اور ڈھیروں دعائیں 

عجيب کیفییت ہے، بيانات، تجزئیے، سطور، ہیجان انگیز ہیں۔ ڈیفالٹ کا غوغا ہے ۔ ۔ عوام پس رہے ہیں، حکمران نئے سرے سے بس رہے ہیں اور ہنس رہے ہیں ۔ ۔ لانے والے نس رہے ہیں۔

پاکستان اپنوں کی کارستانیوں 

غیروں کی ریشہ دوانیوں

عاقلوں کی مہربانیوں سے  جس بے یقینی  کی  کیفیت اور امڈتےاندیشوں سے دو چار نظر آ رہا ہے ۔

 ضرورت تو تھی کہ ’بےسُریاں‘ رکھ کر سر اور دل جوڑےجائیں، کوہتاہیوں کا اقرار  کیا جاے اورتصحیح پر اصرارکیاجاے ۔ 

لیکن ۔ ۔ ۔

برا ہو خود غرضانہ رویوں اور احمقانہ سوچ کا کہ تقریریں اور تحریریں ‘اندر’ ہوں یا  ‘باہر’ یہ بتا رہی ہیں کہ:

گلیاں ہو جان سنجیاں وچ مرزا یار پھرے ۔۔۔

بابا بوٹا مرحوم ایک ماہیا گاتا تھا جو کہ بقول مشتاق یوسفی صاحب کے ‘آدھا اخلاق سے گرا ہوا تھا اور آدھاوزن سے ۔ ۔ ۔ لیکن آج کے حالات کا صحیح ترجمان

کوی کوٹھے تے اُٹھ بیٹھے

جس گھر وڑئیے سارے ٹبرے آں دھا پوئیے ۔ ۔ ۔

اب کوٹھے پر اونٹ کیسے بیٹھ سکتا ہے ؟؟؟

بالکل ایسے ہی جیسے یہاں ‘کوٹھوں پر بیٹھے ہوے ہیں۔

الله کریم کرم بھی تب فرماتا ہے جب قومیں اپنے آپ کو بدلتی ہیں۔

Akhtar N Janjua

http://anjanjua.blogspot.com

Salam O Dua ...

Yesterday one of my tweets read:-

‏نیا دور، نئی رسمیں - - -مدعی کون؟؟؟ ایف آی آر تو پولیسی ہی چلے گے اور سوموٹو جب جی چاہے یا پھر جیجا جی چاہییں ۔۔۔ اور ہم “الحمد للہ” آذاد ہیں ہر سُو معاشرتی اصولوں کا بینڈ بجانے کے لیے، نہ سڑک، نہ سماج، نہ گھر نہ ویرانہ محفوظ ۔۔۔ ظلمتیں بکھر رہی ہیں چار وانگ۔

One of the most revered elders commented, “ SOCH MAIN EHTIJAJ ZAROORI HAI, MAYOOSI KI IJAZAT NAHIN🙏🏻🙏🏻🙏🏻🙏🏻”.

....  That exactly is the BOTTOMLINE, Heavenly and Earthly. Life Booms on Hope...Despair Spells Doom.

Those from the Arid (بارانی) Areas  know that Life there thrives on Rains which are Scarce and Scanty. Come like the migratory birds in July/August ... By September fly off to the far lands .. Show up again sometimes as late as February next ... 

The Wheat Sowing Season starts after Mid-October and one has been seeing the Elders and Peers  ... Ploughing and Sowing ... {whether there is Moisture  (WATTER وتر) in the land or not}.

THAT IS HOPE AND TRUST ... which makes them Reap in coming March/April what they Sow. 

Lessons are :-

Whatever the Circumstances ... What has to be done ... MUST BE DONE. 

NO GIVING UP ... Quitters Never Harvest. 

THERE ARE NO SHORTCUTS ...   

۔۔۔ پیوستہ رہ شجر سے ۔۔۔ 

... BECAUSE ... 

۔۔۔ اپنے رب کی رحمت سے ناامید صرف گم راہ اور بہکے ہوے ہی ہوتے ہیں ۔۔۔

... AL-HAJR (15) : 56 ...

'RAINS DO COME' ...

Akhtar N Janjua

http://anjanjua.blogspot.com

 سلام اور ڈھیروں دعائیں ۔ ۔ ۔

کل کافی دنوں کے بعد صاحب ِ حال کی کال آی۔ کہنے لگے اپنی صحت کا خیال رکھا کر۔ پرانے اعضا ایذا کا باعث بن سکتے ہیں۔ میں نے شکریہ ادا کیا اور دعاوں کی درخواست کی۔ کہا دعائیں سب کے لیے۔ میں نے عرض کی کچھحالات پر فرمائیے تو بولے چھیڑ خانی سے باز کیوں نہیں آتے ہو? میں بولا چھیڑ خانی نہیں آپ با خبر ہو صاحبِ نظرہو اس لیے خلوصِ دل سے پوچھتا ہوں۔ دوسری طرف کچھ کیفیت بدلی، لہجہ جلالی ہوا اور گویا ہوے، 

“بُوجیاں دےہتھ اُسترے بہوں خطرناک ہوندے نیں۔ انہاندی اپنی دھون تے دوجیاں دے نک، کن، تے دون سب خطرے وچ”۔ 

عرض کی میں سمجھا نہیں، تو جواب آیا  ناسمجھی ہی تو اس قوم کو گھن کی طرح کھا گئی ہے۔

“گڈیندے  گُوارا  او  تے  کنک چان  آسطے  بھڑولے  تے  سکاریں  تیار کرن لگ پوندے او،  فیر جدوں گوارے نال کھرکاں تے دھدر نکلدے نیں تے آکھدے اوسمجھ نئیں آی”۔ 

کہنے لگے قرانِ مجید کھولو،  سورہ رعد کی آیت گیارہ پڑھو، کہہ رہی ہے مجھے سمجھو اگر قلب و روح و دیدہِ عبرت نگاہ رکھتے ہو۔

"اللہ کریم قوموں کے حالات و معاملات میں تبدیلی نہیں لاتا جب تک وہ قومیں اپنی روش و راہ میں خود تبدیلی نہیں لاتیں اور جب وہ کسی قوم کو عذاب کا مستحق قرار دے دیتا ہے تو وہ نہ ٹل سکتا ہے اور نہ اس قوم کی کوی اور مدد کر سکتا ہے"۔

مشاہدہ کرو کیسے کیسے عذاب انسانوں کے روپ میں اس قوم پر چھوڑ دیئے گئے ہیں، انہونیاں نہیں ہو رہیں اور لاچاری کا عالم یہ ہے کہ سب کچھ دیکھتے ہوے کوی کچھ بھی نہیں کر سکتا۔

تاں فون کھڑک کر کے بند کر دتا۔ 

ویسے تہانوں کجھ سمجھ آیا اے؟

کہاں ہے ارض و سما کا مالک کہ چاہتوں کی رگیں کریدے

ہوس کی سُرخی رُخِ بشر کا حسین غازہ بنی ہوئی ہے

کوئی مسیحا ادھر بھی دیکھے، کوئی تو چارہ گری کو اُترے

اُفق کا چہرہ لہو میں تر ہے ، زمیں جنازہ بنی ہوئی ہے