او بھی ویلا سی ۔ 6

سلام اور ڈھیروں دعایئں ۔ گزشتہ سے پیوستہ ۔

ماواں بھیناں یارو جدوں دیاں تھکیاں

گم ھوے چٹوں    پٹئ گیئاں  چکیاں

سکارِیں  کلہوٹے  بناون ناں  اندرے

نہ لبھدے ترینگل ، نہ ملدے نیں جندرے

نہ چرکھے کتیندے نہ پونیاں ای رھیاں

نہ کٹوی اِی دِسے  نہ چھونیاں اِی رھیاں

کورے لٹھے ھُن ایتھے کتن نہ ھوندے

سلارے تے لُنگی مُونہہ کیئں نہیں بھوندے

نہ لبھن دھریکاں دیاں اوہ ٹھنڈیاں چھاواں

نہ چھاواں تھلے وان دیاں منجیاں گھتن ماواں

ریجھاں دے دلیے دلیندے پئے آں                     

سدھراں دے سِٹے بُھریندے پئے آں                     

نویں ویلے دی نویں وا ایہہ گھُلی

ویجاھ دی ھر اک رسم سانوں اے بھُلی

نہ لاندے پھُٹی تیل نڈھے دے ھانی

نہ ماچھی سٹیندے نیں مشکاں چوں پانی

نہ ڈولی دے وچ مانواں دھیاں نوں پاون

نہ ڈولی نوں ما جاے وِیر آ کے چاون

نہ سِٹھنی کوئ دیوے نہ سہرا ای گاوے

نہ  ڈولی  چوں کُڑی  دانے  وگاوے

لمی ڈانگ چا کے کوئ ھڑا نہ ڈکے

نڈھا وی گھوڑے تے بانھدا ھن جھکے

نہ نڈھے دے اگے کوئ بیڑا گھوڑی رکھے

نہ  سالیاں ای  جھلن  نڈھے  نوں  پکھے

جھلے آں اینواں  دل  دکھیندے پئے  آں                    

سُتے  ھوے  مردے  جگیندے  پئے  آں                    

TO BE CONTINUED .......... ........

 

 

AKHTAR N JANJUA 

 

 

http://anjanjua.blogspot.com/

http://www.facebook.com/akhtar.janjua

https://twitter.com/IbneNawaz