ایامِ والدين (مدر ڈے ۔ فادر ڈے) اور ہم ۔ ۔ ۔

by Akhtar N Janjua on 7:30 PM in REFLECTION

سلام اور دعائیں ۔ ۔ ۔

دوستو یاد رکھنا، یاد کرنا اور یادوں کی بارات سجاے رکھنا انسانی فطرت ہے ۔ انہی یادواشتوں پر مبنی ہم مختلف ایام مناتے ہیں، خوشیاں بانٹتے ہیں اور شکرانہ ادا کرتے ہیں ۔ آج صبح فجر کے بعد میرے بچوں نے مجھے وش کرنا شروع کیا تو میں نے پوچھا کہ آج کیا ہے ؟ معلوم ہوا کہ آج ’فادر ڈے‘ ہے۔ سوشل میڈیا بھی تصاویر، تہینیتی تحاریر اور ان گنت دعاوں سے لبریز ؛ سوچا کہ میں بھی اپنے بابا جی کو یاد کر لوں پھر خیال آیا کہ میں تو اپنے والدین کی ظاہری حیات میں اور حیاتِ برزخ میں بھی ہر دن، ہر شب اُن کو یاد کرتا ہوں، اُن کا شکر گذار ہوتا ہوں اور اُن کی مغفرت اور بلندیِ درجات کے لیےاللہ کریم سے گڑگڑا کے دست بادعا ہوتا ہوں ۔ نہ صرف اُن کے لیے بلکہ جمیع مسلمین و مسلمات کے لئے نمازِ پنجگانہ، فرائض، واجب، سنت اور نوافل کی ہر آخری رکعت میں مناجات کرتا ہوں:۔

اس کے علاوہ دن میں تقریبا تین دفعہ خصوصی نفل پڑھتا ہوں اور ان کا ثواب خاتم النبیین، رحمتہ العالمین ﷺ کی خدمتِ اقدس میں پیش کر کے اُنہی ﷺ کے واسطہِ جلیلہ سے آدم علیہ السلام سے لیکر روزِ قیامت تک آنے والی مومن ارواح کوارسال کرتا ہوں ۔

علاوہ ازیں صبح و مسا کے وظائف میں سے مسبعات العشر میں سات سات دفعہ مندرجہ ذیل دعا کرتا ہوں:۔