او بھی ویلا سی ۔ ۱ !

سلام اور ڈھیروں دعایئں ۔

گزرے ھوے کچھ عشروں میں  اتنی تبدیلیاں رو نما ھوئ ہیں جتنی صدیوں میں نہیں ھوئ تھیں ۔ ایک حساس  پنجابی شاعر نے اس سب کا کیا خوبصورت نقشہ کھینچا ھے 

دساں میں اج گزرے ویلے دیاں گلاں

کھا گیاں جنہاں نوں زمانے دیاں چھلاں 

او ویلا جنہاں تے مٹی پا گیا اے

جنہاں نوں زمانے دا گھن کھا اے

او گینٹی دا وجھا ، پھہوڑی دی ہتھی

پنجالی تے ارلی ، او پھالےتے ھلاں

بھل گئے نے سانوں او گھڑے تے مٹاں

کتھے نے  او ترنگڑ ، کتھے گیاں چھٹاں 

کھرے لنگھیاں ویلیاں دے کھجیندے پئے آں

بک بک ھنجواں دے وھیندے پئے آں

نویں ویلے دیاں واواں جو گھلیاں

بھل گئے نے ویہڑے ، اجڑ گیاں گلیاں

او پانچے تے لیکاں تے کرتے تے بچیاں

کوٹھے وی کچے تے گلیاں وی کچیاں  

 

بھوں پا کے مٹی چ کوٹھیاں تے لاونئ 

چلھ تے کوٹھیلی اچیچی لماونئئ  

 

نہ چوری نہ ڈاکا او چن مینڈھے مکھناں 

ھُڑے دے اگے ہِک ڈِھنگر چا رکھناں 

 

ویلا ھن سائنسی اے کیہڑی گل دی گھاٹ اے 

روٹی گرم رکھن دے لئ ھاٹ پاٹ اے 

 

بھانویں او سائنس توں کیئ کوہ دور آھے

روٹی گرم رکھن لیئ سرپوس ضرور آھے

ددھ چون لیئ ھونی پتل دی باٹی

چنگی جہی ھونی مدھانی تے چاٹی

نہ دیگاں نہ سٹیل دے بھانڈے کوی ھونے

وجاہ شادیاں اُتے کٹوے پکونے

 پھلاہیاں ککراں ، تے  قوے دے بالن

پیالے چ پانی، کھانچی چ سالن

اُنھاں ویلیاں نوں ڈھوڈیندے پیئے آں 

ھتیں کیتیاں بھگتیندے پیئے آن

TO BE CONTINUED .......... ........

AKHTAR N JANJUA

http://anjanjua.blogspot.com/

http://www.facebook.com/akhtar.janjua

https://twitter.com/IbneNawaz