سلام اور ڈھیروں دعایئں ۔ گزشتہ سے پیوستہ ۔
جمانہہ نال بھرے دھڑے یاد آون
کلیجے نوں کپن تے دل نوں دُکھاون
نظر ھن نہیں آوندے او سرہیوں دے بُوٹے
نہ سرہیوں اُتے پیلے پھُل لین جُھوٹے
وڈے نکے بُوٹے او مِساں تے مانھ دے
زمیاں تے کھنڈے او بوٹے روانھ دے
نہ ہالیہ ای دِسے نہ دِسے گوادا
کتھے گیئ موپھلی کدے گیا بارا
نہ او گلاں رھیاں نہ او اتفاق اے
نہ کنگنی ای دسدی نہ لبھدا سنواق اے
ھن تے گراں وی شہر بن گئے نیں
مکھن اج ساڈے لیئ زھر بن گئے نیں
بن گیئاں ھٹیاں پٹیئ گئے نیں دارے
منڈے ھن گلیاں چ پھرن اوارے
مچھینی تندوداں چ لاوے نہ سُکے
نہ چھیکے نے باقی نہ باقی نیں حُقے
لمی چوڑی کسے دی وراثت وی کوئ ناھی
بندے آھے سادے، سیاست وی کوئ ناھی
اس ویلے غیر ملکی کمائ وی کوئ ناھی
بندیاں دی ایڈی رسائ وی کوئ ناھی
لبھنی نہ کنک تے کھا لینا بارا
وت وی آھیا بندیاں دا چنگا گزارا
گئے ویلے نوں سدھریندے پے آں
او سنگتی پرانے ڈوڈھیندے پئے آں
TO BE CONTINUED .......... ........
AKHTAR N JANJUA
http://anjanjua.blogspot.com/
http://www.facebook.com/akhtar.janjua
https://twitter.com/IbneNawaz
No comments:
Post a Comment