او بھی ویلا سی ۔ 2

سلام اور ڈھیروں دعایئں ۔ دوسری قسط  حاضر ھے ۔

غلط کار نوں نہ کدیں معاف کرنا

پرہیوں چ بہہ کے تے انصاف  کرنا

جہڑی اوکھی آونی او سِرے اُتے چاونی

سِر  چا  لہوناں  پگ  نہ  لجاونی 

وڈیاں دی محنت اساں کیتی کچی

لج کتھوں آونی ایں  پگ ای نہ بچی

نہ ہَل  نہ پنجالی  نہ دانداں دے  جوڑے

نہ  بھیڈاں دے اجڑ  نہ کھوتے نہ گھوڑے 

 

نہ لسیاں ای رہیاں  نہ مکھن دے پیڑے

 نہ رینڈیاں ای رہیاں  نہ رھے پد پہیڑے

 

 پنجالی چ بنھ لینی  گائیں نال کھوتی

 چھنگی ھوی گوڈیاں تائیں جٹے نے دھوتی

 

ایہہ وی یارو کوی بُھلن آلی  گل اے

بِیڑے دی جائ تے  لا لینی ٹھل اے

بنا کے سچائ نوں گلے دا گھناں

ھر حال  وچ  خوش  باش دہنا

ھن نہ ہملائیاں دِسن نہ لبھدے نے ملھے

 نہ  بنن  کَھلاڑے  نہ  پوندے  نے  پھلے

ھُسڑ  کے  ٹھڈے  ساہ بھریندے  پئے آں

ریتاں کے بنسنن  سوچیندے  پئے  آں

TO BE CONTINUED .......... ........

AKHTAR N JANJUA

http://anjanjua.blogspot.com/

http://www.facebook.com/akhtar.janjua

https://twitter.com/IbneNawaz